تعال ياوجه السعد واشطب على الوجه البغيض=ياحيّك وطلتك في وجهي بعد ياحيّها
تنعشني انعاش الشفاء العاجل لقلب المريض=ياأيها ....تدري يالبيــك انت وش ياأيها ؟
مانته بزي الناس واكتبها لك بخطٍ عريض=تبغي احلف ؟ لاورب البيت مانت بزيها
ياللي غرامك في خفوقي من كثر قدره يفيض=النفس تندب حظها والعين تبكي حيّها
من عوضك ليا فقدتك وان وجد كيف استعيض=وانت النهار وشمسه
وشجرة غلاي وفيّها
هاجرت واصبحت زولك فـ عيني يهاجرني وميض=ياأول جروحي دخيل الله من تاليّها
احيا على وصلك واموت بكل برد وكل قيض=تظما مشاعر خافقي لك وانت سبّة ريّها
لبيـك ياللي من عشقتك قمت احس اني حظيظ=يامغوي نفسي ونفسي ذايبه من غيّها
انا اعرف ان كل الليالي سود والايام بيض=دامك معي ماهمّني في كثرها وشويّها
** منقول من الجولرس العربيه**
الشعر والخواطر
